تشكرات

كل واحد فينا مدين في حياته لأشخاص معروفين ومجهولين مدوا له اديهم لما كان محتجهم وانا بصراحة ناس كتير غرقوني بجميلهم ...قلت لازم ابعتلهم شوية تشكرات فمن لم يشكر الناس لا يشكر الله وسمحوني لو نسيت حد

فشكراً .. لسواق الميكروباص اللي علمني اغلب الشتايم اللي انا اعرفها
واللي معرفهاش
(...) وشكراً .. لاول بنت حبتها وفي الاخر
وشكراً .. للراجل الطنطاوي اللي اكلني الاونطة
وشكراً .. لبرنامج عالم البحار
وشكراً .. للفنانة إيمان الطوخي اللي عرفتني يعني أيه كلمة وطن
وشكراً .. لبرنامج البرلمان الصغير اللي علمني معني الديمقراطية
(وشكراً .. لجاري اللي خلاني افهم معني (من لم يأمن جاره بوائقه
وشكراً .. لصحبي اللي علمني ازاي اخون الصداقة
وشكراً .. لامي اللي حببتني في اغنية ست الحبايب
وشكراً .. لحكام العرب اللي علموني معاني كتير زي

(الخنوع – الخضوع – الانبطاح)

(وشكراً .. لاسرائيل اللي عرفتني ايه معني (الاانسانية والعنصرية
وشكراً .. لامريكا اللي علمتني كيف تُساق الاغنام
وشكراً .. للاعلانات المصرية اللي عرفتني اننا شعب مش نضيف

و جعان
وشكراً .. لاول شخص حاول يجندني في تنظيم سري
وشكراً .. لمينا وبطرس ومايكل اول ناس ودوني الكنيسة
وشكراً .. لمدرس الرسم اللي اخد رسمي وكتب عليه اسمه
وشكراً .. للميس بتاعت الاحياء
وشكراً .. لجنينة الحيوانات اللي كل لما اشتاق للبني أدمين بروح

اقعد فيها شوية
وشكراً .. لخالي اللي علمني ازاي اوصل الارحام
وشكراً .. لعمي اللي قبل ما اتولد مات
وشكراً .. لاول واحد قلي انت موهوب
وشكراً .. لابن ***** اللي قلي انت حمار
وشكراً .. لحماس اللي عرفتني الفرق بين النفاق و الاخلاص
وشكراً .. لأبوالنور اللي رغم الحصار والضلمة لسه اسمه ابو النور
وشكراً .. لاي واحد بعتله ميل ومردش عليه
(وشكراً .. للشخص اللي كل ما يحب يكلمني يبعتلي رسالة (كلمني شكرا
وشكراً .. لوزير التربية والتعليم اللي علمني معني الجهل وقلة الادب
وشكراً .. لمشروع القراءة للجميع ما عدا أنا
وشكراً .. لبتاع الخضار اللي كل لما اروح عنده مبلقيش غير كوسة

وخيار
وشكراً.. للشيخ الدجال اللي خرجني من عالم الانس ودخلني عالم الجان
وشكراً .. لفودافون وموبينيل واتصالات اللي علموني ان الكلام بحساب
وشكراً .. ليكم كلكم بس ابعتولي اساميكم
واخيراً شكر خاص لابو جمال وصاحب المصباح السحري علاء

...............اللي عرفني معني كلمة دك تا تور