ترددت كثيرا في الاجابة علي التاج الذي وصلني من شخص عزيز علي وهو محمد عصام صاحب الاستراحة التاج كان عبارة عن سؤال واحد بس بصراحة سؤال من نوع السهل الممتنع وحتي لا اطيل عليكم التاج كان عبارة عن
اذكر عشرة اشياء عن نفسك
اختر خمس اشخاص تهدي ليهم التاج
لا تهدي التاج لمن اهداك اياه
عرف اللي بعتلك التاج انك اهتميت ونزلته عندك
لكن ما جعلني اجاوب هذا التاج وقطع علي هذا التردد بل جعلني سعيد بالاجابة عليه هو انني استشعر وانا اجاوب علي هذا التاج انني انفذ امر من اوامر الله سبحانه وتعالي المتمثل في قوله تعالي
وجعلناكم شعوبا وقبائل لتعارفو
بص يا سيدي
رؤيتي في الحياة
جميل جدا ان يعرف الانسان لماذا خلق ولماذا وجد في هذة الحياة وتتلخص رؤيتي في الحياة في قوله تعالي
وما خلقت الجن والانس الا ليعبدون
هدفي
ان يرضي الله عني
نجاح في الدنيا
جنة في الاخرة
وسائلي
تحقيق معني العبادة في العبادات المحضة كالصلاة والصوم .... وفي شغلي في صداقتي في مرحي في كتابتي في نومي وفي زواجي وفي بيتي ومع اهلي بمعني اشمل تحويل العادة الي عبادة
الاسم
احمد العجوز
المهنة
اعمل في مجال الاستشارات المالية والادارية
النوع
ذكر وبحاول اكون رجل
الحالة الاجتماعية
غير متزوج واعوز
بحب
القراءة بحب الكتابة بحب الشعر بحب المرح بحب الشخصيات الايجابية والمتفائلة بحب الحكمة بحب النظام بحب السياسة بحب الرياضة والجري خصوصا بحب تكوين صداقات بحب البطاطس المحمرة بحب اقراء القران بحب العلم بحب التباسط في التعامل بحب الصراحة
مبحبش
الغباء وعلشان كده عامل انا ومجموعة من صحابي جروب علي الفيس بوك اسمه مواطنون ضد الغباء مبحبش الكلام الكتير مبحبش الغش مش بحب ذنوبي ومبحبش دكتور الاسنان الفصوليا البيضة مبتحبنيش مبحبش التكلف في التعامل او في الحديث
امنياتي
اتمني ان اموت شهيد
ليه.....فكما اخبر الرسول في حديثه
إن للشهيد عند الله سبع خصال
يغفر له من أول دفعة من دمه
ويرى مقعده من الجنة
ويحلى حلية الإيمان
ويجار من عذاب القبر ويأمن من الفزع الأكبر
ويوضع على رأسه تاج الوقار الياقوتة منه خير من الدنيا وما فيها
ويزوج باثنتين وسبعين زوجة من الحور العين
ويشفع في سبعين من أقاربه
وانا يا اخ محمد مش هقدر اهديلك تاج حلو زي اللي انت بعتهولي ده بس انا هدعي ربنا انه يلبسك تاج الوقار
بالنسبة للخمسة اشخاص اللي مطلوب مني ابعتلهم التاج
قولا سديدا
رجل المكسرات سيد سعد
احمد سمير صاحب القلب المفتوح
جسر الحياة
يوميات امولة
43 comments:
اسلوبك جميل جدا في الحديث عن نفسك
اتمني من الله ان يحقق لك كل امالك وخاصة الزواج و الشهادة وان يرزقني اياهما معك
تاج جميل بس ممكن تقولي انتو بتعملوة ازاي او بيمش ازاي
ادعوك لزيارة مدونتي كما اتمني التواصل الدائم بين مدونتينا
وكمان خدمة انا سجلت علي الفيس بوك ولايص ومش عارف اعمل اي حاجة فية ممكن تساعدني
السيد جيفارا المصري
سعيد جدا ان اتعرف علي شخص مثلك واتمني ان تدوم هذة المعرفة ونتواصل دائما
وشكرا علي المجاملة الرقيقة
واتمني من الله ان يحقق كل امنياتنا في الدنيا والاخرة
العجوز
الاخ العزيز ابراهيم صاحب لحن الغروب
سعدت كثيرا بتعرفي عليك من خلال مدونتك الجميلة والقيمة
وسعيد جدا بزيارتك لي علي مدونتي المتواضعة
بص يا سيدي التاج ده ممكن بكره تلاقي حد بعتلك تاج علشان تجاوب عليه يعني انت مثلا ممكن تقعد تحط حبة اسئلة وتبعتهم لحد علشان يجاوب عليهم
اما بخصوص الفيس بوك
انت بتقول عملت البروفيل بتاعك عليه تقدر تضيف اصدقائك عليه وهما كمان ممكن يضيفوك ممكن تسرش علي اصدقاء ولما تدخل عندهم هتلاقي عندهم اصدقاء مسجلين في البروفيل بتعهم ممكن تختار منهم ناس تسجلهم عندك كاصدقاء وهكذا لحد لما تلاقي ان عدد اصدقاء بقي 1000 ولا حاجة
بص انت ممكن تكتب علي الفيس بوك وتبعت لكل اصدقاء وممكن عن طريق السوبر ول تبعت صور وفيديو وهتلاقي ناس بيبعتولك حاجات وصور وفيديوهات وانت بدورك ممكن تبعت الحاجات دي لكل اصدقائك
انا مش قلقان انك تتعامل مع الفيس بوك لانك بس تتعامل معه فترة هتعرف كل حاجة
بس الاهم هنتعامل معه ازاي حاول توصل عن طريقه رسالة كلمة فيديو مفيد
وكتر اصدقائك علشان الثواب يزيد والمنفعة تعم
سعدت جدا بزيارتك
اتمني ان نتواصل دائما
العجوز
لا كده انت مظبط خالص ماشاء الله تبارك الله
انت كده جبت المفيد يا عمنا
ربنا يكرمك ويعزك على اجباتك الحلوة دي
تحياتي
اخي وفقك الله لكل الخير
احمد يا عجوز
الاول صباح الخير واتمنى تكون بخير
اشكرك على اهدائك التاج الجميل ليا وان شاء الله هتلاقي الاجابه بتاعته على حكاوي المكسرات
دمت بكل ود
سيد سعد
عزيزي صاحب المضيفة
يا سيدي هذا من بعض ما عندكم
ومتشكر علي المجاملة الرقيقة يا باشا
العجوز
الشاب الثائر
جزاكم الله خيرا
وادعيلي كتير
وانت كنت واحد من اللي كان نفسي ابعتلهم التاج ده بس للاسف لقيت حد سبقني وبعتهولك خيرها في غيرها ان شاء الله
العجوز
احلي صباح من رجل المكسرات
يا اخي لا شكر علي واجب
واتمني ان اري التاج قريبا عندك علي مدونتك
العجوز
التاج ده جالى من الاخ الفارس الملثم
بسمكنشىمنظم بالشكلده
يعنى مش اهدافى واحلامى بحب ومبحبش
كان عشر حاجات عن نفسك
فهل حضرتك قسمتهم كدة
ولا كان كدة
لان تقسيمته بتسهل كتيييييييير
اسال الله ان يرزقك كل ما تتمنى
اصدق الله يصدقك
الاخت العزيزة شيماء سعيد جدا بوجودك علي مدونتي
وبخصوص التاج انا اصلا حطه في الاول هو قالي اذكر عشرة اشياء عن نفسي
والانسان له مخموعة من الخصائص بتعرفه
اولا: الخصائص العامة او العالمية للنوع
ثانيا: الخصائص التى تعرف ذلك الشخص كعضو فى سلسلة من الجماعات
ثالثا: الخصائص التوفيقية للشخص
بصي انا بحكم عملي وكشخص مسلم اتعلمت ان الانسان لازم يعبر عن نفسه كويس علشان يتعرفوا علي كويس فيحدث تواصل باقل المشاكل
علي العموم انا شايف ان مينفعش يكون في انسان بلا رؤية وهدف او مجموعة من الاهداف ثم الوسائل التي سوف تساعد علي تحقيق هذة الاهداف من خلال الرؤية العامة
واهم شئ في اللي قولتيه ان اصدق الله قبل ان اصدق العباد حتي يصدقني الله
سعيد جدا بزيارتك ويارب ما تكنش اخر الزيارات
العجوز
ازيك يا عجوز
مبروك عليك التاج اللى بصراحة معرفش حاجه عنه لانى مش منتظم وكسول شويه فى موضيع التدوين
اتمنالك تلبس تاج الشهداء فى وقت اصبح الناس تتمنى تاج الذل والمهانه والتخلى عن العروبه ومش لقين بردو التاج الرخيص دا
تحياتى
رازى سليمان
اهلاً بيك
الأول طبعاً شكراً علي تشريفك ورأيك اللي أخجلني جداً ف المدونة اللي نورت بوجودك فيها
تاني حاجة سعيد جداً بمعرفتك ومروري بالمدونة القيمة اللي فيها مواضيع كتير تستحق فعلا القراءة
تالت حاجة كويس جداً ان اول بوست اقراه ليك هوة التاج اللي عرفني بيك اكتر
في انتظار مرورك وزيارتك دايماً
تحياتي
بالتوفيق........
لالالالالا
ايه الحاجات الجامده دى
كده الاسلوب ما شاء الله عليه
رازى سليمان الرجل الهواري
اشكرك علي الدعوات الحلوة دي وان شاء الله نلبس ياج النصر والعزة قبل تاج الوقار ان شاء الله
دمت بكل خير
العجوز
سيدي العزيز احمد غنيم
سعيد جدا بوجودك علي مدونتي المتواضعة ويا باشا اخجلتم تواضعنا
وانا بجد هكون سعيد جدا ان نكون اصدقاء دائما نتواصل ونفيد بعض ونستفيد من بعض
العجوز
صاحب مدونة اوعي تفكر مش هتقدر تغمض عنيك
نورتني بجد ويا عم لا جامد ولا حاجة بس بحاول
ادعيلي ان ربنا يوفقني بجد الدعاء يا نجم
العجوز
شكرا ليك يا مصطفى على قبولك التاج منى
وشكرا اكتر انك خلتنى اعرف عنك حاجات جديدة
تاج جميل و ردودك جميلة
نورتنى بالزيارة يا باشا
دائما نتواصل ان شاء الله
سلامى ليك
صاحب الاستراحة
جزاكم الله خيرا يا باشا
واتمني ان دماغي تفضل عجباك بعد التاج زي قبله
عزيزي المواطن المصري النائم سعدت جدا بوجودك علي مدونتي المتواضعة واتمني متكنش اخر الزيارات
العجوز
السلام عليكم ...
إجاباتك راااائعة جداااااا يا باشا
اخوك
قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ [يونس : 58]
بتوفيق من الله وفضل تم تحويل طلب الحملة التي تقودها المدونة بشأن سن قوانين للحد من التجديف على الإسلام خاصة والأديان عامة إلى المسئولين في هولندا
http://kawlansadida.blogspot.com/2008/04/blog-post_28.html
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التاليhttp://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
باشا سلاك عليكم:)
شفت المدونة قدراً فقلت لازم اعدي اسلم..
متنسانيش من دعائك يا ريس:)
سلام عليكم
الرجل الاخواني رحتي النخاع سعدت جدا بزيارتك واتمني ان تدوم ويدوم التواصل وشكرا علي المجاملة الرقيقة
العجوز
اخي صاحب القول السديد توقيعي معاك وهروح اوقع تاني ربنا يوفقك
العجوز
اخير الشاب المصري عبرني يا ابني مكنش عيش وفول ده
علي العموم سماح المرة دي بس متقطعش الزيارات
نورتني بجد
العجوز
عزيزي احمد
كنت ساخبرك ان لك تاج عندي بمدونتي
دخلت لاجدك تملك نفس التاج
وجاوبته منذ وقت ايضا
اعتذر عن تاخري
اشعر انني لم اعد استطيع ان استمتع بمشاركتكم
تحياتي
نور
السلام عليكم
شكرا كثيرا علي موضوع الاهداء
والهدية وصلت يا اخي والله
واجاباتك رائعة وان شاء الله نتواصل دائما عبر البوسترات والتاجات ومتخفش
العجوز
وانا كمان مابحبش دكتور الاسنان تحياتى لك اسلوبك جميل
رئيسة حزب الاحلام بحالها عندنا يا هلا يا هلا
ايه التوافق ده
خليني احكيلك قصة دكتور السنان ده من ساعة ما كان عندي سبع سنين دكتورة شاطرة مرة خلعتلي سنة من غير بنج ادتني بنج وانتظرت لحد ما راح تاثيره والله لا يوريك فرجت عليها العيادة كلها
من ساعتها كل ما اقعد علي كرس الدكتور كاني قعدت علي الكرسي الكهربائي
واخرها الاسبوع اللي فات دكتور الاسنان كان بيعملي خشو عصب وبعد ما خلص بيحط الخشو قام وقع علطول علي القصبة الهوائية والله لا يوريك كنت هموت مش عارف اخد نفسي ولا عارف اقعد ولا اقف وهو مبقاش عارف يعمل ايه وشه احمر اكتر مني وصعب علي والله
الحكايات كتير دي مواقف وطرائف
يالله الحمد لله باين كدة ذنوبي كتير اديني بكفر عنها
العجوز
انت غير متزوج وتعوز
تعوز ايه تعوز بطاطس
تعوز لحمة
تعوز عروسة
عجبتني اوي أعوز دي
يا الف اهلا وسهلا
والف سلامة علي المرارة
لي الشرف والله انك تدخلي علي مدونتي
ايوه يا ستي بدور علي عروسة ليه اصل البطاطس غليت واللحمة ولعت
الطماطم اتجننت
فقلت اشوف واحدة تصرف علي بقي
سعدت جدا بزيارتك ويا رب ما تكون اخر الزيارات
العجوز
التاج ده انتشر
كل مدونات المريخ عملته
وبعدين ده تاج فضحى
فضح كل المدونين
بتحب البطاطس المحمره ؟؟؟؟؟؟؟
انت عارف جرام الزيت دلوقتى بكام ؟؟؟
نصيحه
حول اوراقك للبطاطس المسلوقه او المطبوخه
خالتي فرنسا اهلا وسهلا بيك ومنوراني
اولا اشكرك علي قبولك لي في فريق الدفاع بتاعك
اما بخصوص البطاطس يعني انا قلت بحبها ولم اتجرأ ان اقول اني هكلها باين كده ان حتي الحب هيحرم علينا كمان
وانا معاكي ان التج ده فضحي جدا
سعدت بوجودك علي مدونتي واتمني متكنش اخر الزيارات
العجوز
جاوبت ع التاج بطريقه هايله والله الواحد راكنه ومش عارف يجاوب عليه
اعمل في مجال الاستشارات المالية والادارية
يعني احنا نفس الكليه:))
السيد أحمد العجوز
شكر الله لكياسيدي تمرير التاج وإن كان لي فيه وجهة نظر أتمنى أن تتقبلها لقد عرضتها بالفعل على صفحات المدونة كفاصل ونواصل حملنا إن شاء المولى الكريم.
ولقد أحسنت بالفعل الرد على هذا التاج. فأمتعت وأجدت
إحترامي وتقديري
السلام عليكم
بداية أنا أعتذر عن تأخيرى الغير متعمد بس والله مشغولة فعلا فياريت تسامحنى
وياشكرك جدا على الاهداء بس صدقنى أنا ماليش فى التاجات ولو شفت مدونتى من أولها حتلاقينى ما فيش تاجات خالص ودايما باعتذر عنها..يعنى باحس انى مش باعرف أعمل الحاجات دى فمرة تانية أعذرنى ويبقى لك عندى حق عرب
:)
اجاباتك ما شاء الله بتدل على شخصيتك وبالنسبة لموضوع الغباء ده فبيتهيألى بيكون كده..مولود كده يعنى ما تحاولش أنك تصلحه بس حاول أنك تتعامل معاه بكياسة أو ما تتعاملش معاه خالص يكون أحسن
عاشقة الفردوس
جعلها الله مسكنك في الاخرة ان شاء الله
ومتشكر علي المجاملة الرقيقة وسعدت جدا بزيارتك واتمني الا تقطعي الزيارات
واسف علي التاخير في الرد بس كنت مشغول
العجوز
صاحب القول السديد
احترم رغبتك واقدرها وربنا يكرمك
وواصل الحملة واحنا معاك
العجوز
سيدتي امولة
كان الله في العون
وانا والله سعيد حتي من اللي مجوبش علي التاج لاني عرفت عنكم وعن طباعكم حاجات كتير اسعدتني
وبخصوص الغباء بجد دي حاجة انا مش بستحملها وانا مقصدش بالغباء العباء الموروث او الاعاقة الذهنية
لا
لكن في ناس دمغة كدة وبس ويجيله يمين تجيله شمال هو زي ما هو معندوش قابلية للتغير والمصيبة انه فاكر انه هو الصح المطلق فقط دي حاجة انا مش بستحملها خالص وهفضل وراه
في ناس اتولدت تقول واء
والبعض اتولد يقول ماء
وبني صهيون بيقولوا دماء
وفي ناس اتولدت تقول غباء
جزاكم الله خيرا
العجوز
لطيف آخر. شكرا
Post a Comment