......اه ياللا نمارس
علي فكرة ده كان عنوان ايتم علي احدي الاذاعات الالكترونية
عارف ان البوست ده هيسببلي مشاكل كتير وعارف ان التعليق عليه هيكون قليل الا اذا حب حد يدخل يشتم يعني.. وعارف ان البعض هيتهمني بنشر الفاحشة والرذيلة ويمكن البعض كمان ميدخلش علي البلوج دي تاني من اصله
عارف بس برده ياللا نمارس.......
عاوز تمارس.......
نفسك تمارس.......
طب امتى؟؟؟؟؟
فين ؟؟؟؟؟
مع مين ؟؟؟؟؟
خايف حد يشوفك ؟
بسيطة.......
كل اللي عليك انك تفتح حساب علي الفيس بوك
وتسرش علي الكلمة اللي كلنا عرفنها(تتتتتتت)
هناك هتلاقي ناس كتير وحسابات كتيرة مفتوحة مخصوص علشان الموضوع ده
هناك فكرهم تخطي كل الحدود اللي احنا عيشين فيها
يعني مثلا حدود الزمان.......
مش لازم يوم الخميس بس
والعيال ناموا ولا لسه يا بيسو
هناك كمان ممكن تمارس برحتك
وفي الوقت اللي انت عاوزه
.....وحدود المكان كمان
يعني فكك بقي
من اودة النوم
او تحت السلم
او في الاسانسير
او فوق السطوح
وبخصوص الاوضاع مفيش اكتر منها
هناك هتلاقي كل الاوضاع اللي انت تعرفها
واوضاع كمان اول مرة هتسمع عنها
زي وضع المعلقة اللي انا مفهمتهوش!!!!!!
اقول كمان ولا كفاية خلاص......
عارف ان البعض هيعمل مكسوف والبعض كمان هيقولي ليه كتبت عن الموضوع ده
بصوا كتبت او مكتبتش هو بيحصل واللي هيقول غير كده يبقي كداب فمش فارقة كتبت او مكتبتش
يعني حبيت اوضح جزء من عالم غريب عيشينه بيطور بسرعة رهيبة ليتخطي كل الحدود والاعراف ده مش بس بيتخطها ده بينسفها كمان
مش معقول يبقي الحرام سهل بالشكل ده
وعموه لسه مصمم علي الشبكة ام 20000
واوضة النوم ام 15000
والشقة التمليك
وحبة الناس اللي مش عايشين في الدنيا اللي بيدعوا لرفع سن الجواز
الفكرة يا جماعة ازاي نواجه هذة العاصفة ازاي نتعايش معها ونحلها بطريقة مختلفة عن طريقة النعامة اللي كلنا عرفنها واللي اغلب الناس بيعشوها (يعني تدفن راسك في التراب ) وتسييب جسمك يمارس
36 comments:
اقلك هو ده واقع للاسف
وفعلا انا بستغرب من
الطلبات اللى تقطم الدهر دى
من اسر العروسة
لشاب لسة بيكون نفسه
اساسى
لو كان مين
هيفكر يمارس رياضة
وهى كمان
اللى سنها اتاخر فى الزواج بسبب
انها عايزة عريس على المقاس
بقت مشكلة عويصة
حلها
تيسير الزواج
والا كل الشباب
هيضيع
لو ممارسش الرياضة
تحياتى
ههههههههه
عزيزي مدحت محمد
حقيقة انا سعيد بتعليقك مرتين
الاولي : ان انا تعرفت علي صديقك جديد اتمني ان نظل كذلك علطول ومتكنش اخر الزيارات
الثاني
انك رجعتلي الامل تاني ان في حد ممكن يعلق علي التدوينة دي
واضح ان كله بيدخل وبيقراها علي استحياء
ويخرج من غير ما يعلق وعلي فكرة انا كنت متوقع ده
حقيقة كان الله في عون الشباب ذكور واناث اعتقد اننا علشان نتعايش مع واقعنا اللي احنا فيه ده يا اما تقل تكاليف الزواج
يا اما كل واحد فينا لازم يكون يوسف هذا الزمان انك تقدر تستعصم في هذا الزمان احساس جميل بيحسسك انك راجل بجد
المهم ربنا يقوينا
تحياتي لك
اتمني ان نتواصل دائما
طيب تفتكر حل المشكلة ايه؟
بجد عندك حق بلاقى بلاوى ع الفيس بوك وبالصدفه للاسف
عزيزي الشاب الثائر مصطفي
بجد سعيد بوجودك علي مدونتي المتواضعة
اما بخصوص الحل
بص احنا ممكن نقتل عمه
او ان احنا نقفل الفيس بوك
اخي انا بمفردي لا املك الحل الكامل لهذة المشكلة
ولكني املك وجهة نظر لعلها تحل او تساعد في الحل بجانب مساعدات اخري
تتلخص وجهة نظري في ان حل المشكلة ياتي من اساس المشكلة
تزويج الشباب يا اخي وتيسيره عليهم
تربية الابناء تربية دينيةاخلاقية تستطيع ان تساعدهم في مواجهة هذة الحرب الشرسةالتي تواجههم بكل اسلحتها واقول انها تساعد وقد لا تساعد لذا لابد ان تتضافر الجهود الاخري مع هذة الوسائل
هتقلي زي ايه اقلك ان انا قلت في الاول ان انا مش بملك الحل بالكامل لازم تساعدوني علشان يكمل الحل ده
واخيرا مش هقلك التعليق التقليدي لاول زيارة
اللي هو اتمني ان نتواصل دائما
ولكني اقول لك اتمني ان نفيد بعض ونستفيد من بعض دائما
العجوز
عزيزي صوت مصر
هتصدق لو قلتلك اني بقالي فترة قريبة جدا اعرف الفيس بوك ده وكل اصدقائي اللي عليه ملتزمين واصحاب خلق والحمد لله
وهتصدق كمان اني من ساعة ما عملت البروفبل بتاعي علي الفيس بوك عمري ما شفت حاجة من اللي انا كتبتها
يمكن لاني بقالي شوية قليلة او لاني اصلا مش بدخل عليه كتير وعدد اصدقائي علي الفيس بوك حوالي 16 واحد بالعدد
صدق او لا تصدق وقد لا يعنيك هذا الموضوع
ولكن اما اريد ان اقوله ان سبب كتابتي لهذا البوست هي شكو زي شكوتك دي نحن الان لا نملك الا انفسنا
جميل جدا ان تشعر انك لديك معني اسمه العفة لم يخدش
علي فكرة هذا المعني ليس خاص بالبنات فقط
ان تشعر باسم الله الرقيب
ان تحاول ان تعيش هذا المعني
اخي اعلم ان الضمير وحده لن يمنع الشخص من الوقوع في الخطاء
الضمير فقط يجعل الانسان لا يستمتع بالذنب
ولكن الذي يستطيع ان يمنعنا من الوقوع في الخطاء هو استشعار قرب الله منا وانه رقيب وخبير وعليم وبصير وسميع
ارجوا الا اكون قد اطلت عليك
ولكن يا اخي لا تنسي الدعاء ان يعصم الله شباب المسلمين ولا تنسي ان الملائكة ستدعوا لك وتقول ولك مثله
سعيد بتعليقك
اولا: انا لا باشتم
ولا بخاف
يعنى هاعلق
وهارد
لا تخشى او تهتم ابدا ان تكتب رأيك
مهما كان سيثير استياء الناس
او حتى سيسبب تجاهلم
اكتب ما دام هذا رأيك
ولقد قلت حقا حينما
قلت ان لا يمكننا ان ندفن رؤسنا فى الرمال
فليس معنى اننا لا نراها انها لا تحدث
لكن صدقنى ليس الفيس بوك هو السبب
هى موجودة
وتحدث منذ قديم الزمن
لكن فى الخفاء فى السر
قبل ان يصبح العالم قرية صغيرة
حدثت وستحدث وستظل تحدث
يلا نمارس
اة يلا نمارس
كل شي يجعلنا نخرج من حيز التفكير التحتي وايجاد بدائل سليمة وعمل توعية ووقفة شباية هامة تطال بتيسير العفاف
ادعوك لزياة مدونتي
لحن الغروب
http://anaabnalikwan.blogspot.com/
فيه تناقض متهيألي بين الكلام اللي انت بتكتب عنه وشاغلك وبين الاغنية والشعارات اللي حاططها على المدونة بتاعتك؟؟؟؟؟؟
عامة كل انسان حر في التعبير عن الحاجات اللي بتشغله.
المشكلة ان نسبة كبيرة بقت تفكر بس بنصها التحتاني، وده سر تقدم البلد؟؟؟؟؟؟؟؟؟؟؟؟
تقبل تحياتي
الاخت الغزيزة شرين سعدت جدا بتعرفي علي مدونتك الرقيقة
نعم فهذا يحدث من زمان قديم وما الذي اخرج ابوناادم وامنا حواء من الجنة سوي الوقوع في الذنب ومخالفة امر الله اين كان نوع هذا الذنب
اعرف ان الفيس بوك هذا ليس هو سبب المشكلة اعرف ذلك ولكني احببت ان اخذه كمثال فقط
ليست المشكلة انها تحدث وانها ستظل تحدث
هذة طباع البشر يخطئون ثم يتوبون وسنظل كذلك الي يوم القيامة الا من رحم ربي
ولكن المشكلة هي اشاعة الفاحشة وسهولتها هذة الايام
هذه هي المشكلة ان تشيع الفاحشة
حتي يستمرئها الناس وتصبح واقع في حياتنا
هذا لن نقبل به وسنظل ويجب علينا جميعا ان نواجهه بكل قوتنا
اتمني الا اكون قد اطلت عليك
سعيد بوجودك علي مدونتي المتواضعة
اخي في الله ابراهيم سعدت كثيرا بتعرفي عليك من خلال مدونتك
اجمل شئ في تعليقك اني شعرت بان راسك عالية وليست مدفونة في التراب
هذا هو بداية الحل الذي انت وضعت يدك عليه يبقي لنا ان نتخذ السبل للوصول الي هذا الحل
جزاكم الله خيرا
صوت مصر
بجد انت مش اول واحد يوصله هذا الشعور انت تجد تناقض كبير بين الشعارات التي اضعها وان كنت لا احب اسم شعارات وبين ما اكتبه
فما بالك لو رايتني كثيرا من اصدقائي عندما دخلوا علي هذة المدونة قالولي ده مش العجوز
وبجد انا سعيد بان هذا وصل للناس
مش لاني بحب اخفي هويتي او ان شعارتي مختلفة عن اللي جوايه ولكن هذا هو حال الناس
الكويس هيفضل كويس طول عمره والوحش هيفضل وحش طول عمره
والشخصية المتدينة هي الشخصية الملائكية التي لا يمكن ان تقع في الخطاء بلا لا يمكن ان تفكر فيه
مش كده
.........اخي
لي سمت اسلامي لا اخفيه
لي توجه سياسي لا انكره
ويبقي انني انسان واحد من البني ادمين اللي عيشين في الدنيا
اخطء واصيب
احب واكره
انتقد وانقد
هذا ما اردت توضيحه علي هذة المدونة
يا اخي كم مدونة اسلاميةاو اجتماعية دخلت عليها وشعرت انها تتحدث عن عالم اخر غير الذي نحن نعيشه كل يوم
ولكنه ايضا صاحب تلك المدونة يعيش معك هذا الواقع الذي تعيشه ونعيشه جميعا لماذا لم تشعر هناك بالتناقض
اما بخصوص التفكير التحتي الذي تحدثت عنه
فهذا يا اخي لان معظم الناس عملت زي النعامة ودفنت راسها في التراب
فلم يبقي الا الجزء التحتي
سعدت جدا بحوارك
الاخت امولة
اذا كان كل منا قد اقترح جزءا من الحل الا انك وضعت يدك علي الجزء الاكبر منه
وهو انفسنا ولكن يا اختي وخلق الانسان ضعيفا هذة حقيقة
لذا فكما قلتي لابد وان نبتعد عن المقدمات ولا نظن بأنفسنا القوة حتي لا نقع من دون ان نشعر
نعم
علينا ان نراقب افكارنا لانها ستصبح افعال
وعلينا ان نراقب افعالنا لانها ستصبح عادات
وعلينا ان نراقب عادتنا لانها ستصبح طباع
وعلينا ان نراقب طباعنا لانها سوف تحدد مصرينا
في الدنيا فشل او نجاح
في الاخرة جنة او نار
سعيد بيتعليقك
والله عندك حق ازاى يبقى الحرام بالسهولة دى والحلال من المستحيلات
الاجابة ليها شق واحد اننا لو التزمنا المعاملات الدينية بجد مش نختار اللى جى على هوانا ونسيب اللى مش على معدتنا هنيسر الامور للشباب والبنات هتتستر والشباب هيلاقوا العفة
بس سؤال يا ترى الشباب هيقدروا ده ولا البنت زوجة المستقبل هتبقى رخيصة المشكلة ان فكرنا ان الزوج لما يدفع فى زوجته دم قلبه مش هيفرط فيها هيفكر الف مرة عشان خسارته المادية محتاجين وقفة مع نفسنا
ايه الكلام ده يا عجوز؟
انت عارف اد ايه أنا بحبك
اللي انتا كاتبه ده بيوضح طريق للرذيلة لنلس كتيير ماتعرفوش منهم أنا
تصور لو واحد بس عرف طريق للغلط عن طريق كلامك ممكن تكون انت اتسببت في ايه
ده أصلا بعد قول ربنا سبحانه وتعالى "وهدوا الى الطيب من القول
شيلها يا عجوز ربنا يهدينا و يهديك
ايه الكلام ده يا عجوز؟
انت عارف اد ايه أنا بحبك
اللي انتا كاتبه ده بيوضح طريق للرذيلة لنلس كتيير ماتعرفوش منهم أنا
تصور لو واحد بس عرف طريق للغلط عن طريق كلامك ممكن تكون انت اتسببت في ايه
ده أصلا بعد قول ربنا سبحانه وتعالى "وهدوا الى الطيب من القول
شيلها يا عجوز ربنا يهدينا و يهديك
عزيزى العجوز، الموضوع بجد هايل وأحييك على طرحه بدون حياء، صحيح العنوان غريب شوية لكن لازم نطرحه وبقوة لان المشكلة أصبحت معضلة "يعنى ملهاش حل" وإن كنت أكره التشاؤم إلا انه يمكن القول بأن "اللى بالى بالك هو الحل"، وبالنسبة للى بيقول ان الناس بقت بتفكر بنصها التحتانى وهو دا سبب تأخر البلد، أحب ارد عليه وأقوله ان الموضوع لهو حرام ولا عيب بالعكس الدين يأمرنا بالزواج وممارسة كل حاجاتنا الفسيولوجية من أكل ونوم وممارسة "على حد تعبير العجوز" بس فى اطار سليم وشرعى، وكون ان الموضوع شاغل بال ناس كتير فدا نتيجة طبيعية للحرمان، فنفسيا لا يشغل بالك الا ما لا تستطيع بلوغه بسهولة، وللأسف ان السهل فى موضوع المممارسة هو الحرام، وسسب التأخر فى بلدنا ليس هو الممارسة سواء كترت أو قلت، السبب هو عوامل كتير بس أنا بطلت "أمارس" الكتابة فيها لأنى زهقت من عدم التغيير.
ايه الكلام ده يا عجوز؟
انت عارف اد ايه أنا بحبك
اللي انتا كاتبه ده بيوضح طريق للرذيلة لنلس كتيير ماتعرفوش منهم أنا
تصور لو واحد بس عرف طريق للغلط عن طريق كلامك ممكن تكون انت اتسببت في ايه
ده أصلا بعد قول ربنا سبحانه وتعالى "وهدوا الى الطيب من القول
شيلها يا عجوز ربنا يهدينا و يهديك
عزيزتي جسر الحياة فعلا الحل هو التزام اوامر الله سبحانه وتعالي
وقد تكون كلمة التزام شرع الله مصطلح فضفاض
وكما قلت هل سيكون الشباب علي قدر المسئولية هذة وجهة نظر معتبرة
بص فعلا في شباب عوزين ضرب النار بجد
بس هو اصلا لو كان متربي علي شرع الله من الاول عمره ما هيظلم زوجته حتي لو كان الحل لمشاكلهم الطلاق
انا عن نفسي لا اعتقد اني ممكن استمر في حياتي مع زوجة لا تصلح لي لمجرد اني دفعت دم قلبي في الجوازة
وان كنت اخذ في الاعتبار وجهة نظرك في ظل الظروف التي نعيشها والحياة المادية التي سيطرت علي كل امور حياتنا
سعيد جدا بتعليقك
عزيزي لولي (علاء) اتفق معاك في كل ما قلته ولكني اختلف معك في نقطتين
الاولي هو اسلوب عرض الموضوع بدون حياء اختلف معك فالحياء من الايمان ولكن فلتقل بدون خجل هناك فرق بين الحياء والخجل الذي يجعل الانسان لا يعترف بواقعه
والنقطة الثانية خليني اناقشها معاك لما اشوفك علشان علشان انا عندي حياء فلما اشوفك افضل
ماشي يا مان
لنا لقاء
شيراكوا باشا
لما نقول شيراكوا يعني الادب والاخلاق والذوق يعني د/ محمد مرزوقي
بص انا فكرت كتير قبل ما انزل البوست ده علشان النقطة اللي انت ذكرتها دي بالذات بس والله يا اخي لما تشوف كميه الشباب اللي كلموني في هذا الموضوع هتعرف انه مش محتاج ان حد يكتب عنه علشان حد يعرفه
خلينا نواجه الواقع بنفس اسلحته
الجرءة وعدم الخجل تحت مسميات لا تفي بالغرض
خلينا نحط ايدينا علي الجرح علشان نعالجه حتي لو كنا هنتألم شوية بس مش مشكلة احسن ما نموت خالص
خلينا نقول نعم ولا ببصر حديد
حقيقة يا أخ عجوز, فى البداية ظنتت أنك تتحدث عن ممارسة حرية التعبير عن الرأى أو الوقوف أمام الظلم,
لكن وأنا أمر على وضع المعلقة تساءلت, ثم عدت لبداية الموضوع وأدركت أنك تتحدث عن السيكو سيكو على شبكة المعلومات.
,
وهو بالطبع موضوع يجب أن نناقشه
لأن الفاحشة على النت عالمياً يحتل العالم العربى مكان الصدارة بدون فخر.
نحن فى أزمة ثقافية حادة, حين تنفتح علينا مصادر المعلومات نستغلها أسوأ استغلال.
ربما بسبب الكبت الذى نعانى منه فى عالمنا العربى والإسلامى
ربما بسبب النفاق الذى تخر فى خلايانا كالسوس .
لأسباب كثيرة
عامة الموضوع يحتاج لعلاج حقيقى واقعى لكل شاب وقع فى هذه المصيدة
لنفكر معاً فى حل,
اولا ازيك يا عجوز
ثانيا حلوة حكاية يلا نمارس... بس انا برضة لسه مش فاهم نمارس ايه ...أنا اعتقد اننا قبل ما نمارس اى حاجة المفروض انها تسعدنا او نحس فيها بجانب من جوانب السعادة يبقى لازم الاول نشتغل صح ونفكر صح على علشان لما نمارس ده نبقى نستاهله ..يعنى ما ينفعش واحد يمارس وهو كسلان مش بيشتغل او واحد غبى مش قادر يدخل فى علاقة ناجحة او واحدة واخدة فكرة مزيفة عن نفسها ومتخيلة انها لا يمكن تتجوز واحد أقل من عمرو خالد +عمرو دياب فى بعض
لا الولاد هتمارس ولا البنات هتمارس لو فضلوا عايشين بالطريقة دى وتخيل بقى كده يبقى المجتمع نفسه مش هيمارس خالص وساعتها ممكن ندور على بدايل للمارسة لاننا مش قادرين نوصل لشروط ومتطلبات الممارسة الصحيحة
أما بقى بخصوص الفيس بوك وهاى فايف وتاجد والمواقع دى ..أنا عاوز اقولك انى جالى صدمة من كمية الناس المصريين اللى عارضين نفسهم للمارسة عينى عينك وحاطين صورهم كده عينى عينك بس ده مش نتيجة عدم الممارسة ولا نتيجة التطور وانا والله مش متاكد ده نتيجة ايه ..عموما مش هطول عليك علشان انا فى شوية كده الحق امارسها قبل ما اروح..لا... اوعى تفهمنى غلط
سلا يا عجوز
Ehh el 7alawa DEeey
Etrebna ya Shaa3er ya kebeeer.
فى هداء منى ليك على مدونتى .. اتمنى تقبله منى
تحياتى
اخى
احمد العجوز
سعيد بزيارتك لمدونتى وتعليقك فيها وطلبك ان نكون اصدقاء وهذا يسعدنى
بس المشكلة عندما رايت مدونتك تراجعت كما قال احد الاخوة لك شعارات وبنرات شئ ومواضيع شيئ اخر
يعنى انت لابس ماسك وانا لا احبذ هذه الطريقة فانت ترى اسمى وصورتى لانى صريح ودغرى على راى المثل وليس لدى ما اخفيه
اتمنى ان نتواصل بدون اقنعه كى نتعرف اكثر هل نتكلم فى الجد كما شكل مدونتك ام نتكلم فى غير ذلك كما هاذا الموضوع
ارجو ان يتسع صدرك فهذا رايى بدون تجريح او خطا فكل كلمة عليها رقيب وسنحاسب عليها يوم الساعة
فى انتظارك
اخى
احمد العجوز
سعيد بزيارتك لمدونتى وتعليقك فيها وطلبك ان نكون اصدقاء وهذا يسعدنى
بس المشكلة عندما رايت مدونتك تراجعت كما قال احد الاخوة لك شعارات وبنرات شئ ومواضيع شيئ اخر
يعنى انت لابس ماسك وانا لا احبذ هذه الطريقة فانت ترى اسمى وصورتى لانى صريح ودغرى على راى المثل وليس لدى ما اخفيه
اتمنى ان نتواصل بدون اقنعه كى نتعرف اكثر هل نتكلم فى الجد كما شكل مدونتك ام نتكلم فى غير ذلك كما هاذا الموضوع
ارجو ان يتسع صدرك فهذا رايى بدون تجريح او خطا فكل كلمة عليها رقيب وسنحاسب عليها يوم الساعة
فى انتظارك
السلام عليكم
عندى اضافة اتمنى يتسع صدرك ليها
انا اؤيد الاخ"شيركوه"فى ان الامر من الممكن ان يكون نشرا منك ودعاية لهذه المواقع ..لذلك فأنا أؤيد طلبه بازالة التدوينة لوجه الله تعالى حتى لا يكون هناك شبهة أشاعة للفاحشة
والحق أحق أن يتبع
"ربنا لاتؤاخذنا أن نسينا أو أخطأنا"
جزاك الله خيرا
سيدي العزيز حسن البيومي
كم انا سعيد بوجودك علي مدونتي المتواضعة المتناقضة شرف لي ان ينصح لي شخص مثلك
ولكن دعني اوضح هذا الاشكال
قلت انك تقول رايك وعلي ان اكون واسع الصدر وانك تقوله بدون تجريح وفي نفس الوقت تفتري علي انني ارتدي قناع
احب ان اقول لك سبب هذا التناقض الذي شعرت به انت وغيرك هو انني خلعت هذا القناع
كنت اظن ان هذة الصراحة سوف تتعبني انا فقط ولكني وجدتها تتعب من حولي اكثر مني
النقطة الثانية سيدي ليس لاحد منا ان يقوم بدور المدرس الذي يمسك بالقلم الاحمر ليعلم هذا المقال صح وهذا خطاء
دعني اقول لك وانا صاحب بعض وعشرون عاما ان مقالاتي وكلماتي لن ترقي الي مستوي شخص في عقده السادس اعلم ذلك بكل ما يعنيه هذا الفارق من نجارب وخبرات وممارسات حياتية اعلم ذلك جيد
لكن دعني اقول لك ان ما املكه انني عندما اكتب عن موضوع اكتبه وانا يدي كما يقولون في مطبخ الشباب
سيدي كم مرة تعاملت مع شخص واقول تعاملت معه عاشرته فترة من الزمن وعرفت اسمه واسم ابيه وجده واكتشفت بعد فترة انك لا تعرفه
سيدي لا توضح الصورة ولا الاسم الشخص الذي امامك والا فقلي ما حجم الصورة الذي تريدني ان اضعهالي علي البلوح حتي اكون صريح وواضح
سيدي اي مواضيع جد تريدنا ان نتحدث فيها
نحن هنا نكتب علي اللاب توب في غرف مكيفة وغيرنا يحكم عليه في محاكم هزلية اقصد عسكرية
بالعشر سنوات والسبع سنوات
وهناك اخواننا الفلسطنين اجتمع عليهم الاصدقاء قبل الاعداء
اتظن ان هناك من ينتظر حتي نقول له من الخائن ومن الوفي
من السارق ومن المسروق
من العميل ومن المخلص
سيدي واضحة تلك الصورة جيدا
ولا تحتاج للنشر هكذا اظن
نريد شئ يخرج طاقاتنا لا شئ يمتصها
لا نريد ان نهلك تلك الطاقة في كتابات وشعارات ونترك الهدف الاساسي الذي يجب ان توجه له تلك الطاقة لتغيره او تقويمه
علينا ان نكون صادقين مع انفسنا حتي نكون صادقين من الاخرين
علينا ان ننزل من بروجنا المشيدة ونخرج من اطار الكلمة المتكلف بلااسفاف
سيدي هذا ما سنحاسب عليه والله رقيب عليه
اتمني الا اكون قد اطلت عليك
وان تتقبل ردي بصدر رحب
وانا سعيد جدا بنقدك لمدونتي
العجوز
عمر حمدي باشا الرجل الشحرور
مش قلتلك يا ابني فكرك اتغير قوي من ساعة ما سفرت امريكا
علي العموم ترجع بالسلامة وشد حيلك في الابحاث بتعتك وانا منتظرك في اول فيلم عالمي
وانا اسف علي اللخبطة اللي حصلتلك بعد قراءة البوست ده ودخلتلك السياسة علي السيكو سيكو علي حد تعبيرك
وانا معاك اهو بفكر علشان نحل هذة المشكلة
العجوز
عزيزي محمد طبعا انا سعيد جدا انك سمعت الكلام ودخلت علي البلوج بتعتي وده كويس لانك لو كنت طولت اكتر من كدة كان مش هيبقي كويس علشانك المهم
ايه يا ابني الكلام اللخبوط لخبوط ده
انا مش فاهم ايه اللي وصلك بالضبط
بس علي العموم سعيد بتعليقك
ومش هطول عليك واسيبك بقي تمارس حياتك
حج ماهر متعدد الجنسيات
يا ابني انا عارف ان العربي بتاعك مش ولابد وانن لو متكلمناش انجليزي مش بتفهم الكلام قوي بس مش للدرجة دي يا ابني ده مش شعر حرام عليك جبتلي حالة استبحس
علي العموم اوعدك اني اعمل بوست بالانجليزي علشان تعلق عليه كويس بس بقلك من الاول كده مش هيكون شعر هه
محمد باشا صاحب الاستراحة
تسلم ايديك علي التاج الجميل ده واشكرك علي الدعوة وادعيلي بقي ارد عليه قريب
اتعبتني يا صاحب الاستراحة
العجوز
الاخت العزيزة امولة
لوجه الله تعالي خلي التدوينة دي موجودة
وخلي الفاحشة تزول
مش بسبب تدونتي لا ولكنها حجر في الماء الراكد لعله يسيح فيطب
والله انا سعيد بتعليقك ومستعد لاي نقد وانا من النوع اللي ممكن يرجع في رايه بسهولة ولكن الي الحق كما قلت انت
وادعيلي ربنا يهديني ليه بجد
العجوز
كتبت قصة جديدة واهديتها إليك لعلها ترسم علي شفتيك بسمة اعرف انك تحتاجها الأن
لو كان لديك وقت يسعدني ان تأتي وتقرأها
اخوك : مصطفي
Post a Comment