Wednesday, June 20, 2007

انت ليه مش بتمسك ايدي

قبل الزواج
أنت ليه مش بتمسك إيدي وإحنا ماشيين في الشارع؟
لأ بلاش...افرضي حد من قرايبك شافنا؟ والا حد من أصحاب أخوكي في الكلية ان شاء الله يا حبيبتي بكره نتخطب وامسك إيديكي ادام الدنيا كلها
أنت ليه مش بتمسك إيدي وإحنا ماشيين في الشارع؟
علشان مش عاوز حد يفتكر إننا علشان اتخطبنا هنصيع بقى ونعيش حياتنا...وبعدين بصراحة كده أنا مستحرم...إن شاء الله بكره نتجوز وامسك إيدك وإنتي مراتي حبيبتي في الحلال
لحد كده تمام والراجل عداه العيب بس اللي مش تمام اللي جاي
بعد الزواج
أنت ليه مش بتمسك إيدي وإحنا ماشيين في الشارع؟
يا حبيبتي إحنا مش مراهقين بقى هنمسك إيد بعض في الشارع وكده...إحنا اتنين متجوزين ومحترمين وعندنا بيت نعمل فيه اللي عاوزين نعمله
أنت ليه مش بتمسك إيدي وإحنا ماشيين في الشارع؟
يعني امسك إيدك والا امسك إيد البنت والا اشيل الأكياس دي كلها؟
أنت ليه مش بتمسك إيدي وإحنا ماشيين في الشارع؟
إيدك إيه بس اللي هامسكها دلوقتي! إنتي عاوزه جوز بنتك يقول علينا كبرنا وخرفنا؟

1 comment:

mostafa rayan said...

حلو قوي البوست دة